Carmen's profileCarmen 的分享空間(依家加o左昌哥哥喇！)PhotosBlogListsMore  |  Tools Help |
|
Carmen 的分享空間(依家加o左昌哥哥喇！)May 27 你低能唔好當我o地都低能先得o架！今日收到個壞消息！就係我o地申請公屋比人reject o左！原因係我收緊allowance！
真係比housing班友激死！你低能唔好都當我都係低能先得o架！
我起張form度填o左我收緊allowance，唔係比你做原因reject我o架！原因係others，抄返晒HR比佢o地封信話我收緊allowance，仲叫我o地"pl refer to Annex B(i)(e)"，我真係想問佢係邊份o野o既Annex B(1)(e)呀！你封reject信得一張紙咋喎！不過我冇你咁低能，我都仲估到你話咩o野，但係我o地HR就係起Annex B(i)(e)寫明，佢未收到我通知唔拎allowance，我係可以入form唔要我o個幾百蚊allowance o架！一見我有填有拎allowance就reject我，我唔係咁低能冇睇過份form喎！唔好以為我唔知唔可以double benefits先得o架！究竟有冇問過我o個邊HR o架？我依家收緊o者，唔代表你比o左樓我之後我都會繼續收o架！
我聽日幾忙都一定會打電話鬧爆佢o地o架！！ December 18 update o下先！好耐冇寫blog喇！因為好忙！
結婚後，去還晒o的衫24號晚就出發去渡蜜月，去o左5日韓國濟洲首爾，之後休息一日就返工。返工5日，6同7號星期六日又跟小媽返佢鄉下同大姨媽食飯。跟住個星期11號就行畢業禮，14號星期日返OU影畢業相。
返工又好忙，呢排都要OT，多數都7點之後先走，都仲要係未做晒o的o野喎！未來一年都應該會仲係咁忙！咁咪好囉，我就唔會肥返啦！我同阿昌咁講，佢就話我：「瘦係瘦，但係唔健康呢！」 November 24 嫁o左囉！November 10 真係忙到結婚o個一日接上一篇 blog，我o既行程如下(將會如下)：
10月30日(星期四)，做 body + 背胸手磨沙美白。
10月31日(星期五)，唔記得做過咩，不過應該都係整帖 / 襟花。
11月1日(星期六)，早上執o野搬過新居，下午做 facial(同埋阿昌一齊去做，阿昌都要靚！)，晚上整阿昌親戚o的帖。
11月2日(星期日)，訂紅酒，買床上用品，整阿昌朋友o的帖。
11月3&4日(星期一&二)，OT後返到屋企食完飯已經好眼訓，早訓。
11月5日(星期三)，做背胸手磨沙美白。
11月6日(星期四)，約o左SMT舊同事食飯派帖。
11月7日(星期五)，lunch約o左SMT舊同事食飯派帖，晚上約o左SWD朋友食飯派帖。
11月8日(星期六)，拎床上用品，做 facial，搬o野過新居。
11月9日(星期日)，過大禮，搬嫁妝過新居，買褂鞋，同兄弟姊妹食飯比 rundown佢o地過目&聯誼o下。
----------------------------
11月10日(星期一)，整襟花&車門蝴蝶。
11月11日(星期二)，約o左TC舊同學食飯派帖。
11月12日(星期三)，lunch約o左LKM舊同學食飯派帖，放工去AG拎成長片段，之後去做 body。
11月13日(星期四)，去酒樓試碟，約o左LKM舊同學食派帖。
11月14日(星期五)，拎姊妹裙，姊妹們傾接新娘遊戲。
11月15日(星期六)，做 facial，同表弟買西裝。
11月16日(星期日)，執屋，搬o野過新居，整襟花&車門蝴蝶。
11月17日(星期一)，做背胸手磨沙美白。
11月18日(星期二)，整 gel甲。
11月19日(星期三)，去化妝姐姐度揀頭飾。
11月20日(星期四)，去法國 second fitting。
11月21日(星期五)，做 facial。
11月22日(星期六)，拎褂、婚紗晚裝、花球，執齊行李，上頭。
都已經好 full o下！可能仲有o的o野未做要插入去做，希望唔會有甩漏。
October 30 製帖中10月25日星期六，去深水埗為新屋部電腦買o左 monitor 同 printer。
10月26日星期日，set up 好部電腦同埋去o左筍崗買利是封等結婚用品。
10月27日星期一，去o左做 facial，姐姐幫我做o左個抗氧化o既 facial，等我o的皮膚可以冇咁黃同暗啞。
10月28日星期二，約o左去跑馬地睇花車史迪仔，睇下o的佈置，都幾好，可以唔駛整花車佈置喇！之後食完飯返屋企，一路裝返部舊電腦一路入餅咭同利是。
10月29日星期三，放工收到我o地第二份結婚禮物，等我諗下點樣起結婚o個日利用佢先！之後去o左新屋印信封，原本 set o左用自訂信封 size，但係去到 print o個時部 printer 話我 print 個 size 唔岩唔比 print 喎！好彩我訓練有數，一陣間就攪掂o左佢！印o左 63 個封就返屋企入帖，入帖時好開心呢！仲發現張帖好多囍字呀！到o左下星期一，我就開始派我o既紅色炸彈囉！ October 27 超眼訓呢排超眼訓....
每個星期都好多o野做！上個星期有兩日去做 facial 同 body；一日約o左兩個姊妹傾 rundown；一日去o左買姊妹裙；星期六去o左報團去度蜜月、買monitor同printer；星期日去o左買結婚用品！得一日可以返到屋企食飯咋！
仲話考完試後每晚要早o的訓，最好11點前，依家晚晚2點先訓！黑眼圈好勁o忝呀！點算呀？？ October 20 To Do List (Update)睇下有咩做o左同加減先！
好似仲有好多o野未做喎！點算！ 好多o野做呀！10月20日，今日做o左好多o野！8點半起身，起酒店拖地，本來想吸埋塵，但係拖完已經10點，所以就冇吸喇！之後就沖涼，同肥仔、小媽、no同阿昌飲茶，跟住出o左油尖旺一日遊。
首先，去金都交相做成長片段同埋睇龍鳳被，起金都行o左一轉之後去o左美華睇下，睇完之後去錦發試褂。本來係要去埋銀行中心報團去度蜜月，但係去到油麻地先記得未報團，所以就仲未報名。跟住去o左裕華同小媽買旗袍，呢度用o左最耐時間，我o地揀o左試o左成兩個鐘先買到。買完就再起裕華睇茶壺茶杯、龍鳳被。睇完已經5點半，我o地食o左個下午茶休息後就去睇金飾，今日金價跌o左落7820呀！最後落埋尖沙咀芝柏拎相就完成今日o既油尖旺一日遊囉！
由上個星期開始，每日都好似好多o野做，星期六日就仲忙！我仲未執o野搬過酒店呢！仲有35日就結婚喇！ 寫菜、拎帖10月16日，我、阿昌、阿明、昌爸爸同媽媽一齊去翠園寫菜。其實我之前兩日已經叫阿昌搵酒樓寫定o的菜單我睇，等我o地可以揀定先，同埋有咩改動都可以改o左先，但係酒樓o個邊好似冇件事咁！我唔催都唔fax比我睇喎！另外，我都fax o左一張大會堂美心o既菜單(改o左少少)比佢開價，佢又係冇o左件事咁喎！到催完，fax o黎o既竟然係美心standard菜單！呢張菜單我睇o左幾百次啦！就係唔岩先叫佢寫張o黎睇下o麻！跟住，我叫阿昌同個經理講話唔係想要standard菜單，想佢寫張大約幾錢o既菜單o黎睇睇，個經理就寫張比我o地個budget貴o左差唔多成千蚊o既o黎！仲要有個菜叫做"十頭南非鮑魚扣北菰玉掌"，咪又係鮑片！真係比個經理吹到啤啤聲呀！駛唔駛懶到咁樣呀！
放工之後去到酒樓，揀好晒佈置，寫菜時經理都係拎返o個幾張菜單出o黎同我o地傾，佢真係懶到爆呀！好在我比佢開價張菜單唔貴，都算平，所以我o地都唔諗咁多，要o個個就算！
到拎帖就大件事喇！個經理一拎一張出o黎，我即刻"嘩"o左一聲！大叫：「印錯款喎！」佢o地印o左呢款比我！
個經理仲要同我o地講話等佢check下先喎！我o地點會揀o的咁o既款呀！好在佢冇迫我o地要o的帖咋！印過都係要多個幾禮拜，都仲趕得切，唔係我實發佢難渣呀！ |
||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts|
|
+-+Windows+Live&referrer=){kind=small}
